Abbootriin teeknooloojiilee yeroo kanaa Biil Geetis fi Maark Zuukarbarg yoo jenne garmalee arbeessuu hin ta’u. Osoo namoonni kunniin “Naaf Hojjadhu” siin jedhanii deebiin keessan maal ta’a? Dargaggeessi ganna 24, qorataa AI kan tahe Mati Dekte, carraa hojii doolara miiliyoona 125, meta irraa dhiyaateef, kan dideedha. Maark Zuukarbarg’s gara mana qorataa dargaggeessa Maatii Deetke jedhamu kanaa qaamaan dhaquun kan dubbise!
Dargaggeessi kun waa’ee sammuu namtolchee (AI) irratti beekumsa gadi fagoo kan qabu yoo ta’u, maallaqa guddaa Meetaan isaaf dhiheesse salphaatti hin fudhanne. Sababni isaas karoora yeroo dheeraa fi hawwii mataa isaa kan maallaqa irra isaaf caalu waan qabuuf. Kanarraa ka’uunis Zuukarbarg abdii osoo hin kutanne yaada jalqabaa irratti, carraa walta’iinsa haaraa hanga doolaara miiliyoona 250tti tilmaamamu uumeef.
Taateen kun waan lama nutti agarsiisa – Tokko, Maallaqni waan hunda bitachuu akka hin dandeenyee akkasumas gatii fi galma mataa keetii hordofuun caalaatti barbaachisaa ta’uu agarsiisa. Lammaffaa, hoggantoonni teeknooloojii gurguddoo akka Maark Zuukarbarg illee dargaggoota dandeettii qabaniif xiyyeeffannoo hangamii kennanii hojjachaa jiraniidha.
Hubadhaa, carraa doolaara miiliyoona 125 diduun xiqqoo “maraatummaa” fakkaachuu danda’a. Keessattuu diinagdee akka biyya keenyaa keessatti baay’een keenya maallaqa akkasii abjoonnee illee hin beeknu ta’a. Haa ta’u malee, kana irraa barumsi guddaan jira – milkaa’inni dhugaa maallaqa qofa osoo hin taane wantoota maallaqa caalan galmaan gahuun akka argamuudha.
Kanaafuu, dargaggoota hunda keenyaaf ergaa tokkon qaba – beekumsa keessan guddifadhaa, dandeettii keessan irratti hojjedhaa, gatii keessanis beekaa. Wantoota gatii keessan xiqqeessan “Hin ta’u” jechuun furmaata akka tahedha!
