Kaardii kafaltii interneetaa Argachuuf Karaalee Sirrii ta’an– Muuxannoo Koo irraa
Ani akka namoota hedduu biyya keessa jiraatan keessaa akka nama tokkootti, yeroo jalqabaaf online irratti baasii international (Amazon, Netflix, Canva, Facebook Ads, fi kkf) gochuuf fedha qaba ture. Garuu rakkoo guddaan tokko na muudatee, innis kaardii baankii international hojjatu dhabuu kooti. Maallaqa qaba, garuu baasii gochuu hin danda’u! Kanaaf, yeroo dheeraaf qorannoo godhee, akkasumas muuxannoo dhuunfaa kiyya irraa, karaa ittiin namni kamuu kaardii virtualii (online debit card) argachuu danda’u akka armaan gadiitti isiniif qindeessee jira.
ByBit
Bybit marsariitii daldalaa crypto yoo ta’u, yeroo dhihoo asitti Bybit Card jedhamuun kaardii Visa virtualii fi plastic namaaf kennuu jalqabee jiraa. Namni kamuu Bybit irratti account banatee, crypto (BTC, USDT)dhaan kaardii kafaltii virtual kana apply gochuu danda’u. Sana gochuuf dursa KYC (seera beekkamtii maqaa namaa) guutuu qabdu – kanaaf immoo ID ykn passport fi selfie keessan dhiyeessuu qabdu.
Bitnob
Bitnob app toora bilbilaa irratti dalagdu yoo taatu, karaa salphaan crypto keessan gara USD jijjiiruu fi kaardii virtualii ittiin baasii gochuu dandeessisu. Ani Bitnob fayyadamuun kaardii virtual isaanii irraa argadheen kafaltiiwwan garagaraa, karaa online heddu raawwadhee jira.
Dukascopy
Dukascopy baankii biyya Switzerland yoo tahu, amanamaa fi filannoo isa sirriiti. Ani app isaanii download godhee account bane, KYC guutuu (passport, selfie, viidiyoo gabaabaa) ergee booda kaardii Visa virtualii fi isa pilaastikaa argadhee itti fayyadamaa jira. Kaardiin pilaastikaa isaanii iddoo jirtanitti karaa poostaan isiniif ni ergama. Kaardii pilaastikaa isaaniitiin, ATM gola adunyaa jiru kamirraayyuu baasii gochuu dandeessan.
Baankilee biyya keessaa
Baankiiwwan biyya keessaa kanneen akka Awash, CBE, fi Abisiiniyaa kaardii Visa/MasterCard ni kennu, garuu warra biyya keessa jiraniif baayee hin kennan, isaan gara biyya biroo imalan malee. Ati fedhii biyya biraa imaluu hin qabdu taanaan, carraa argachuu kee baayee dhiphaadha.
Ani ofumaa dhiyoo tana CBE irraa kaardii Visa argadhe jira – ta’us passport, visa biyya alaa, fi tikkita xayyaaraa agarsiiseen kan argadhe. Isin immoo wantoota kanneen hin qabdan taanaan baankilee biyya keessaa irraa argachuuf, dhugumaan rakkattu.
Xumura irratti
Kaardilee kafaltii garagaraa argachuuf, karaalee an armaan olitti tarreesse kanneen filannoo keessan jalqabaa godhaa. Salphatti kaardii kafaltiif itti fayyadamuu dandeessan ni argattu!
