B‑2 Spirit xiyyaara waraanaa Ameerikaa ti, kan addunyaa keessatti beekamtii fi sodaa olaanaa qabuudha. Xiyyaarri kana mootummaan Ameerikaa, dhaabbata teknoolojii “Northrop Grumman” jedhamu waliin oomishan. B‑2’n xiyyaara addaa waan ta’eef “stealth bomber” jedhamee waamama. B-2’n xiyyaara addaa ta’eefi, raadaara irraa of dhoksuu danda’uudha. Yeroo samii keessa balali’u, ijaan hin mul’atu, raadaara irrattis hin argamu, sagalees hin baasu – waan kana ta’eef addunyaa keessatti xiyyaara sodaachisaa fi teknolojii guddaa qabu jedhama.
B-2 Spirit xiyyaara hunda caalaa qaalii ta’e keessaa isa tokko dha. Xiyyaara tokko qopheessuuf biliyoona 2.1$ (Billion USD) ol kaffalamu qaba. B‑2 dhugumatti xiyyaara addaa dha. Dhaabbata Northrop Grumman jedhamu fi mootummaa Ameerikaa waliin hojjetuun, bara 1980 keessa hojiirra oole. Yeroo jalqabaaf waraanaaf fayyadamuuf carraa argate bara 1999tti yigoslavia haleeluun ture. Booda irratti bara 2001 Afganistaan, 2003 Iraaq, 2011 Libiyaa fi bara kana 2025 Iraan ture.
Haleellaa Iiraan irratti taasifame keessatti, B-2 Spirit samii keessaa gara gubbaa bu’ee, ijaarsa nukleeraa Iiraan – kan akka Fordow, Natanz fi Esfahan irratti haleellaa taasise. Haleellaan kun addunyaa guutuu rifachiisee jira. Uummata keessa sodaa baay’iseera.
Barbaachisummaa xiyyaara kanaa sirriitti hubachuuf, mee akka fakkeenyaatti haa ilaallu. Biyyi tokko yoo meeshaa dhokataa akkanaa qabaatte, diina of irraa lola fageenya irraa too’achuu ni danda’a. Kanaaf, xiyyaarri B‑2’n humna waraanaa, dandeettii of dhoksuu, fi sirna haleellaa guutuu keessatti taphataa cimaa ta’eera.
